ئاينۇرى ئېنگىلىزتىلى

تۆۋەندىكىلەر تىل ئۆگېنىش جەريانىدىكى پايدىلانغان ماتېرىياللاردىن ئومۇملاشتۇرۇش بىلەن بىرگە ئۆزۈمنىڭ بىر نەچچە تەتىللىك ئۆيگە قايىتماي كۇرسلارغا قاتنېشىش ۋە قىسقىغىنە 2 يىللىق ئېنگىلىزتىلى ئۆگېنىشتىن كېيىن ئۆزۈم بىلەن تەڭ يىللىقتىكى ساۋاقداشلىرىمغا ئېنگىلىزتىلىدىن كۇرس ئېچىش جەريانىدا يەكۈنلەپ چىققان ئېنگىلىزتىلىنى ياخشى ئۆگېنىشتىكى ئۇسۇللار :
1. جۈملە ئۆگېنىش سۆزلۈك يادلاشتىن مۇھىم .
لۇغەت ئۈستىدىكى سۆزلۈكنىڭ چۈشەندۈرۈلۈشى ئۆلۈك ھالەتتە بولۇپ ، پەقەت مەلۇم شارائىت ئىچىدىكى ئىپادىلىگەن مەنىلا بىزگە سۆزلۈكنىڭ ھەقىقىي مەنىسىنى ئەكىس ئەتتۈرۈپ بېرىدۇ .
ئەڭ ئىلمىي ئۇسۇل بىر سۆزنىڭ ئوقۇلۇش ، يېزىلىش ۋە ئىشلىتىلىشنى بىر گەۋدىلەشتۈرۈپ ماس قەدەمدە ئېلىپ بېرىپ كۆز ، ئېغىز ۋە مېڭىنىڭ بىرلا ۋاقىتتا ھەمكارلىشىشنى ئىشقا ئاشۇرۇشنى مەقسەت قىلىش ئارقىلىق سۆزنى جۈملە ئىچىدە ئۆگېنىشتۇر .
2. ئاڭلاپ چۈشىنەلمىگەندە زورلاپ ئاڭلاش .
چۈشەنمەي تۇرۇپ ئاڭلاۋېرىشمۇ بىر خىل ئۆگېنىش . سىز ئاڭلاپ چۈشىنەلمىگەن بولسىڭىزمۇ ، لېكىن ئاڭلىغان ۋاقتىڭىزدا قۇلاق پەردىڭىز يېڭى بىر خىل تىلغا لايىقلىشىشقا باشلاپ ، چوڭ مېڭىڭىز تەبئىي ھالدا چاستوتىسىنى تەڭشەپ ، يېڭى ئۇچۇرنى قوبۇل قىلىشقا ئۇرۇنىدۇ . مۇشۇنىڭ ئۆزىلا ئاڭلاش مەشىقىدە ئىلگىرىلەشنىڭ بولغانلىقى . ۋاقتىڭىز بولسىلا رادىئو ، كۆپ ۋاستە قويغۇچ (م پ 3)، تېلىۋىزورلاردا ئېنگىلىزچە پىروگراممىلارنى قويۇپ قويۇڭ ، زەن قويۇپ ئاڭلىشىڭىزنىڭ ھاجىتى يوق .پەقەت ئەتراپىڭىزدىكى شۇ تىلنىڭ مۇھىتى بولسىلا ، ئاڭلاش ئىقتىدارىڭىز ئېشىپ مېڭىۋېرىدۇ . 
3. ئېغىز ئېچىشقا جۈرئەت قىلىش .
تىل ئۆگېنىشتىكى مۇھىم نىشاننىڭ بىرى ئۇنى ئىشلىتىش ، شۇنداقلا باشقىلار بىلەن ئالاقە قىلىش ئۈچۈندۇر .لېكىن نۇرغۇنلىغان كىشىلەرگە نىسبەتەن بۇ بىر چوڭ باشقېتىمچىلىقى . ئاساسلىق سەۋەبى تۆۋەندىكىلەردىن بولۇشى مۇمكىن :
1) بەزىلەر كۆرۈپ چۈشىنىشنى تىل ئۆگېنىشنىڭ ئۆلچىمى قىلىۋېلىپ ، مەلۇم بىر ئېغىزتىلى مەشىق قىلىدىغان كىتابنى ۋاراقلاپ بېقىپ قانداق ئۆگېنىشنى بىلمەي تاشلاپ قويىدۇ . بۇنىڭ سەۋەبى ناھايىتى ئېنىق : ماس كېلىدىغان ماتېرىيال يوق .
سىزنىڭ ئەسلىدىن ئۆگېنىپ بولغان نەرسىلىرىڭىزنى ئېغىزتىلى ئارقىلىق ئىپادىلەپ بېرىش ، مانا بۇ ئېغىزتىلى ئۆگېنىش ماتېرىيالىنىڭ ئاخىرقى مەقسىتى بولىشى كېرەك .
2) ھەرگىز باشقا تىل ئارقىلىق ئېنگېلىزتىلىنىڭ ئوقۇلىشىنى خاتىرىلەپ ئۆگەنمەڭ . چۈنكى تەلەپپۇزدىكى خاتالىقنى تۈزەتمەي تۇرۇپ  بىر تىلنى ھەقىقىي ئىگەللىگىلى بولمايدۇ ، يەنە كېلىپ ئۇنداق قىلىش بىزنىڭ ئېنگىلىزتىلى ئۆگېنىش قىزغىنلىقىمىزغا زىيان يەتكۈزۈپ ، داۋاملىق ئۆگېنىشىمىزگە تەسىر كۆرسىتىدۇ .
3) ئېغىز ئاچالماسلىقتىكى يەنە بىر مۇھىم سەۋەپ گىرامماتىكىلىق خاتالىق سادىر قىلىشتىن ئەنسىرەشتۇر . ئەگەر ئېنىق بىر گىرامماتىكىلىق مەسلىگە دۇچ كەلمىسىڭىز گىرامماتىكا كىتابىنى كۆرۈپ يۈرمەڭ . مۇددەتتىن بۇرۇن گىرامماتىكا ئۆگېنىش سىزنىڭ ئېنگىلىزتىلى ئۆگېنىش قىزغىنلىقىڭىزغىلا ئەمەس ، ئۆزىڭىزگە بولغان ئىشەنچىڭىزنىمۇ يوقىتىۋېتىدۇ .
شۇڭا ئېغىزتىلى سەۋىيەسىنى ئاشۇرۇش ئۈچۈن تېكىستنى ئۈنلۈك ئوقۇپ بېرىپ تىل سېزىمى ھاسىل قىلىشتىنمۇ ياخشى ئۆگېنىش ئۇسۇلى بولمىسا كېرەك .
4. بىرلا ماتېرىيالنى چىڭ تۇتۇڭ .
ئېنگىلىزتىلى ئۆگېنىدىغان ماتېرىيالنىڭ كۆپلۈكىدىن قايسىسىنى تاللىشىمىزنى بىلەلمەي قالىمىز . بۈگۈن بۇ ماتېرىيالنى ، ئەتە ئۇ ماتېرىيالنى ئۆگېنىش تىل ئۆگېنىشنىڭ سېستىمىلىقلىقىنى يوقىتىدۇ . توغرا ئۇسۇل بىر ماتېرىيالنى تاللاپ ئاساسلىق ئۆگېنىپ ، قالغان ماتېرىياللارنى ئۇنىڭ قوشۇمچە تولۇقلىمىسى قىلىش كۇپايە .
سوئال ئىشلەش ئىمتاھان بەرگۈچىلەرگە سوئال شەكلىگە پىششىق بولۇش رولىنى ئۆتەيدۇ ، خالاس . لېكىن ئۇقۇغۇچىلارغا نىسبەتەن ئەڭ مۇھىمى تىل ئەمەلىي ئىقتىدارىنىڭ يۇقىرى كۆتۈرۈلىشىدۇر .
5. ئېنگىلىزتىلى ئۆگىنىشتە ھەقىقىي تۈردىكى «تېز يېتىشتۈرۈش » دەيدىغان ئۇقۇم يوق .ھەم ماڭىدىغان قىسقا يولمۇ يوق ، پەقەت قانداق ھالدىكى توغرا ئۆگېنىش ئۇسۇلىنى تاللاش مەسلىسىلا مەۋجۇت .
مەسىلەن : سۆزلۈك ئۆگېنىشتە باشنى چۆكۈرېۋېلىپ يېزىپ يادقا ئېلىش توغرا ئۇسۇل ئەمەس . ياخشىسى يۇقىرى ئاۋازدا ئوقۇش ، بۇنداق قىلغاندا ئاۋاز چىقارغۇچى ئەزالارنى تەرەققىي قىلدۇرۇپلا قالماستىن ، ئاڭلاش ئىقتىدارىنىمۇ يۇقىرى كۆتۈرگىلى بولىدۇ .
يۇقىرى ئوقۇش پۇللۇق تىل ئۆگېنىش مەكتىپىنىڭ سىزگە تېخىمۇ ياخشى بىر نەرسە ئۆگىتەلىشىدىن ئۈمىد قىلماڭ ، چۈنكى ئوقۇش پۇلىنىڭ قانچە يۇقىرى بولۇشى سىزنىڭ شۇنچە تىرىشمىسىڭىزمۇ ئۆگىنەلەيدىغانلىقىڭىزدىن دېرەك بەرمەيدۇ . ياخشى مەكتەپ پەقەت ياخشى ئۆگېنىش ئۇسۇلى ئارقىلىق ئوقۇغۇچىلارنى ئاڭ قىسقا ۋاقىت ئىچىدە ئەڭ يۇقىرى ئۈنۈم يارىتىشقا يېتەكلەيدۇ ، خالاس .
6. بىللە ئۆگېنىدىغان ياخشى ھەمرايىڭىز بولسۇن .
بۇ ئۆگېنىشىڭىزنىڭ توختاپ قالمايدىغان ھەرىكەتلەندۈرگۈچ كۈچى بولۇپ قالىدۇ . ئېنگىلىزتىلىنى ياخشى ئۆگېنىش ئىزچىللىقنى تەلەپ قىلىدۇ .لېكىن يالغۇز بىر ئادەمگە نىسبەتەن بىر خىل ئۆگېنىش ئۇسۇلىنى ئىزچىل داۋاملاشتۇرۇش كۈچلۈك ئىرادە تەلەپ قىلىدۇ . نۇرغۇن ئادەملەر مۇشۇ سەۋەبتىن ئېنگىلىزتىلى ئۆگېنىشتىن ئۆزىنى قاچۇرىدۇ .سىز بىر بىللە ئۆگىنىش ھەمرايى تاپسىڭىز ، ئىككىڭلار ئۆز ئارا بىر – بىرىڭلارنى رىقبەتلەندۈرۈپ ۋە قوللاپ يۇقىرىقى توسالغۇلاردىن ئاسانلا ئۆتۈپ كېتەلەيسىلەر .
ئۆزىڭىزگە ماس كېلىدىغان بىرەر تىل تەربىيلەش مەركىزىگە قاتناشسىڭىز ، ئەلۋەتتە ،تېخىمۇ ياخشى .
__ http://www.rujek.com